Kalaallit Nunaanni inuusuttunut ilinniarfiit

Saqqummersitami uani Kalaallit Nunaanni inuusuttunut ilinniarfiit kisimik pineqarput, kisiannili suli Kalaallit Nunaata avataani inuusuttunut ilinniarfinni ilinniartunut paasissutissat Naatsorsueqqissaartarfiup Kisitsisaataasiviani aaneqarsinnaapput.

 

Ataani titartakkami 1-imi takuneqarsinnaapput Kalaallit Nunaanni inuusuttunut ilinniarfinni, ilinniarnertuunngorniarfinnut aammalu inuussutissarsiornermi ilinniarfinnut, ilinniarnerit aallartinneqartut.

2016-imi ilinniarnerit aallartinneqartut 1.272-iusimapput.

 

Titartagaq 1. 2006-imit 2016-imut Kalaallit Nunaanni ilinniarnerit aallartinneqartut

Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDDISC11E).

 

2013-imit qummullu Kalaallit Nunaanni inuussutissarsiornermi ilinniarfinni ilinniarnerit aallartinneqartut amerleriarsimapput, 2016-imi 803-nik amerlatigisimapput.

 

Kalaallit Nunaanni ilinniarnertuunngorniarfinni ilinniarnerit aallartinneqartartut 2006-imili amerliartorusaarsimagaluartut 2016-imi 2015-imut sanilliullugit annikitsumik ikileriaateqarsimapput. 2016-imi ilinniarnerit aallartinneqartut 469-iusimapput.

 

2016-imi ilinniarnertuunngorniarfinni aallartittut agguaqatigiissillugit 20-inik ukioqarsimapput inuussutissarsiornermilu ilinniarfinni atuartut agguaqatigiissillugit 26-nik ukioqarsimallutik. Taakku 2011-mut sanilliullugit missiliorlugu ukiunik marlunnik utoqqaanerupput.